глас 1
Спаси, Господи, люди Твоя и благослови достояние Твое, победы на сопротивныя даруя, и Твое сохраняя Крестом Твоим жительство.

глас 4
На земли премудрости славу стяжал еси, богатство Господеви своему вру­чил еси, и Той тя с Небесными водво­ряет, тело твое на земли, святе, сохрани невредимо, ты бо в целомудрии и чис­тоте житие праведно пожил еси, тем с дерзновением моли спастися нам.

Слава

глас 2
Вышняго желанием прославляя, и Той тя в памяти прославляет, праведне, восхождением добродетелей совершил еси душу, премудре святе Стефане, на земли непорочно житие соверши, Зиждителю всех благоугодил еси, моли непрестанно о всех нас.

И ныне

глас 8
Со святыми упокой, Христе, души раб Твоих, идеже несть болезнь, ни печаль, ни воздыхание, но жизнь безконечная.