глас 1
Спаси, Господи, люди Твоя и благослови достояние Твое, победы на сопротивныя даруя, и Твое сохраняя Крестом Твоим жительство.

глас 2
Егда изшел еси от мира, тогда мир­ская вся, яко тщетна, отвергл еси, егда же об­раз иноческий на ся прият, тогда вражия коварства подвиги своими и труды, Аммоне блаженне, попрал еси, вопия: Христе Боже, слава Тебе.

Слава

глас 4
Да своему Воеводе и Господу, преподобне Аммоне, благоугодивши, всех отшаявся мирских пристрастий, странствовал еси Его ради вся дни живота твоего многотрудне, тем обрет вечный покой, моли и нас в той вселитися.

И ныне

глас 8
Со святыми упокой, Христе, души раб Твоих, идеже несть болезнь, ни печаль, ни воздыхание, но жизнь безконечная.