глас 4Столп огнезрачный и светоносное солнце, возсиявшее на горе Печерстей, великаго Антония со всем собором богоносных отец приводим Тебе, Христе, в молитву, ихже ради молим, подаждь обители нашей благодать и душам нашим велию милость.
Слава
глас 8Отцы всечестнии, личе богокрасный, чудес многих источницы, миро источающии, сокровища краснобогатныя Господня, в земли сокровенная, не престайте, молим вы, о нас молитеся ко Господу, да зовем вам: радуйтеся, всему миру светильницы.
И ныне
глас 6Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.
