глас 3
Удалився мира и водворися в пусты­ни, добрым подвигом подвизался еси, злостраданием, и вниманием, и молитвами. Отонудуже и по смерти источаеши исце­ления, Савватие отче наш, моли Христа Бога спастися душам нашим.

Слава

глас 2
Житейския молвы отбег, вселился еси в морский остров, мудре, и крест твой взем, Христу последовал еси в молитвах, и во бдениих и в пощениих, злостраданием плоть твою изнуряя. Тем был еси преподобных удобрение; сего ради любовию память твою празднуем, преподобне Савватие, моли Христа Бога непрестанно о всех нас.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.