глас 4
Первосвятителие Богоноснии, отцы наши, яко просветителие сербстии, святии первопастырие и патриарси, истиннии хранителие апостольских преданий, столпи непоколебимии, Православия наставницы, Владыку всех Христа мо­лите мир вселенней даровати и душам нашим велию милость.

Слава

глас 3
На престолех святительских благочестно пожисте и люди своя к богоразумию настависте, добре Богу угождающе, сего ради от него нетлением и чудесы прославлены бысте, яко ученицы Божия благодати.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.