глас 4
Преподобнии и Богоноснии отцы наши Глинстии, ученьми древних отцев старчество в обители утвердившии, молитвою, кротостию, постом и смирением в послушании любовь Христову стяжавшии: во дни гонения в разсеянии за веру Православную, яко звезды на небесех всю вселенную просветившии и ко Христу приведшии. Молитеся ко Господу, помиловати и спасти душы наша.

Слава

глас 4
Днесь ликует обитель Глинская, в прославлении преподобных отцев, в подвизе добрем просиявших, и вси людие возвеселишася, яко источник благодати чудесы изливается. Темже убо, святии, печальницы душ наших, умолите щедролюбиваго Бога, молитвами Богородицы Небеснаго Царствия сподобитися.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.