глас 4
Познай свою братию, российский Иосифе, не в Египте, но на Небеси цар­ствующий, благоверный княже Алек­сандре, и приими моления их, умножая жита людем плодоносием земли твоея, грады владычествия твоего ограждая молением и православным христианом на сопротивныя споборствуя.

Слава

глас 4
Якоже сродницы твои, Борис и Глеб, явишася тебе с небесе в помощь, подвизающемуся на Вейлгера Свейскаго и воев его, тако и ты ныне, блаженне Александре, прииди в помощь твоим сродником и побори борющия ны.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.