глас 3
Апостоле святый, моли Милостиваго Бога, да прегрешений оставление подаст душам нашим.

Слава

глас 2
Павлов явився собеседник, апостоле, с ним нам слово предвозвестил еси Божественныя благодати, тайноглагольниче Тите приснопамятне. Сего ради вопием ти: не престай моляся о всех нас.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.