глас 4
Удалився мира, водворился еси в пустыню и тамо подвизался еси добрым подвигом, постом и молитвами, и многим терпением. И жив показал еси многая чудеса: и по преставлении своем источаеши различная исцеления с верой приходящим, к честному гробу твоему, Арсение, отче наш: моли Христа Бога спастися душам нашим.

Слава

глас 8
Житейския молвы отбег, и в пустыню вселился еси, и тамо житием жестоким пожил еси, и зверя свирепаго аркуда молитвами укротил еси и многим был еси наставник ко спасению, и того ради получил еси жизнь вечную на Небесех. Всегда зря Святую Троицу, моли избавитися нам от бед, да зовем ти: радуйся, отче наш Арсение, пустынный жителю.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.