глас 1
Спаси, Господи, люди Твоя и благослови достояние Твое, победы на сопротивныя даруя, и Твое сохраняя Крестом Твоим жительство.

глас 2
Днесь Едес град веселится, прием тобою Крещения баню, и Авгарь, стра­стей пременен, твою память славит. С нимиже поем и мы: веселия духовнаго исполни живот наш и страсти исцели, Фаддее апостоле, молитвами твоими.

Слава

глас 4
Яко звезду пресветлую Церковь всегда стяжа тя, апостоле, чудес Твоих многоподаванием просвещаема. Темже зовем Христу: спаси чтущих верою память Твоего апостола, Многомилостиве.

И ныне

глас 8
Со святыми упокой, Христе, души раб Твоих, идеже несть болезнь, ни печаль, ни воздыхание, но жизнь безконечная.