глас 1
Спаси, Господи, люди Твоя и благослови достояние Твое, победы на сопротивныя даруя, и Твое сохраняя Крестом Твоим жительство.

глас 5
От матере умоленный, тезоимените дания Божия, от Бога звания во младе­нчестве сподобися, честный пророче Самуиле, добре пасый непокоривыя люди и царем явивыйся устроитель, и о нас, верно чтущих тя, моли Истиннаго Бога, да спасет души наша.

Слава

глас 8
Яко многочестный дар, прежде зачатия вдан Богу, и измлада Тому яко ангел послужил еси, всеблаженне, и сподобился еси предбудущая вещати; темже вопием ти: радуйся, пророче Божий Самуиле, архиерею великий.

И ныне

глас 8
Со святыми упокой, Христе, души раб Твоих, идеже несть болезнь, ни печаль, ни воздыхание, но жизнь безконечная.