глас 1
Спаси, Господи, люди Твоя и благослови достояние Твое, победы на сопротивныя даруя, и Твое сохраняя Крестом Твоим жительство.

глас 8
Православия наставниче, благоче­стия учителю и милости сокровище, ар­хиереев украшение, людей зырянских наставниче, святителю Питириме, ду­шу свою за Христа положивый, моли Единаго Человеколюбца о пастве твоей и о всех любовию чтущих память твою.

Слава

глас 3
Монашескими добродетельми во обители святителя Алексия первее украсився и прославлению того послужив, пастырь явился еси людем зырянским и, яко агнец чист, принеслся еси Слову Началопастырю, мученик быв, Питириме святителю всехвальне. Темже торжествуем вси любовию Божественную память твою.

И ныне

глас 8
Со святыми упокой, Христе, души раб Твоих, идеже несть болезнь, ни печаль, ни воздыхание, но жизнь безконечная.