глас 1
Спаси, Господи, люди Твоя и благослови достояние Твое, победы на сопротивныя даруя, и Твое сохраняя Крестом Твоим жительство.

глас 3
Мучительнии сосуди устроиша ти путь к Небесем, Христов воине Диомиде, победив диавольския козни, и на Небесех у Христа прославися, молися за творящих верою память твою.

Слава

глас 2
Истинный и непобедимый страстотерпец, благочестия и благодати Небесный таинник явлься, Диомиде преславне, победив мучителя и победоносец быв, венцы победными прославися.

И ныне

глас 8
Со святыми упокой, Христе, души раб Твоих, идеже несть болезнь, ни печаль, ни воздыхание, но жизнь безконечная.