глас 4
Терпением своим велию мзду на Небесех стяжал еси, в буйство волею Хрис­та ради преложися и на Небо мыслен­ное, яко на колеснице огненней, восшел еси, премудре Максиме. Днесь мы ныне чтим честных мощей твоих обретение вкупе с благочестивыми и верными людь­ми царствующаго града Москвы, да вси вопием ти: моли Христа Бога спастися душам нашим.

Слава

глас 8
Верою и любовию твое честное обретение празднующих, блаженне, сохрани и соблюди от всякия злобы и соблазна змиина, имаши бо дерзновение ко Владыце всех Христу, Егоже моли спасти люди, молящия ти ся, да вси вопием ти: радуйся, отче Максиме, царствующему граду Москве похвало.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.