глас 1
Спаси, Господи, люди Твоя и благослови достояние Твое, победы на сопротивныя даруя, и Твое сохраняя Крестом Твоим жительство.

глас 4
Постнически предподвизався на го­ре, умная врагов ополчения всеоружи­ем Креста погубил еси, всеблаженне. Па­ки же ко страдальчеству мужески облек­лся еси, убив Копронима мечем веры, и обоих ради венчался еси от Бога, пре­подобномучениче Дометие приснопамятне.

Слава

глас 6
Яко преобидев тленная и долу влекущая мудрования, преподобномучениче Дометие, велик наставник монахом показался еси, не устрашився ярости царя, не хотяща чтити Христа, истиннаго Бога. Сего ради и скончался еси, воспевая песнь: Бог есть со мною, и никтоже на мя.

И ныне

глас 8
Со святыми упокой, Христе, души раб Твоих, идеже несть болезнь, ни печаль, ни воздыхание, но жизнь безконечная.