глас 4
Царствия ради Небеснаго мир и вся яже в мире оставили есте, тесноту совершеннаго послушания возлюбивша, дивныя подвижницы и Христа ради мученицы в годину лютых испытаний в земли Нижегородстей процветшия, блаженныя матери наша Евдокие, Дарие, Дарие и Марие, молитеся о спасении душ наших.

Слава

глас 6
Житием праведным к достойному приятию мученичества себе уготовиша, тридневная избиения и смерть претерпели есте, невесты Христовы предивныя, блаженныя Евдокие, Дарие, иная Дарие и Марие. Ныне, многими чудесы и исцелении просиявша, молитеся прилежно, да спасет Господь души наша.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.