глас 4
Христово Преображение предусрящем, светло торжествующе предпразднственная, вернии, и возопиим: приспе день Божественнаго веселия, восходит на гору Фаворскую Владыка, Божества Своего облистати красоту.

Слава

глас 4
Божественным днесь Преображением человеческое все естество просиявает Божественно, в веселии зовущее: преобразуется Христос, спасаяй вся.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.