глас 8
С вышних призирая, убогия приемля, посети нас, озлобленныя грехи, Владыко Всемилостиве: молитвами Бого­родицы даруй душам нашим велию ми­лость.

Слава

глас 4
Всякия скверны, Всемилостиве Спасе, аз бых делатель, и во отчаяния ров впадся, но стеню от сердца и вопию к Тебе, Слове: ускори, Щедрый, и потщися на помощь нашу, яко Милостив.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.