глас 1
Спаси, Господи, люди Твоя и благослови достояние Твое, победы на сопротивныя даруя, и Твое сохраняя Крестом Твоим жительство.

глас 4
От земли воззвавый тя к Небесным селением, соблюдает и по смерти невре­димо тело твое, святе Евдокиме: ты бо в целомудрии и чистом жительстве, бла­женне, жительствовал еси, не осквернив плоти. Темже со дерзновением моли Христа Бога спастися нам.

Слава

глас 2
Вышних желая, с вышними совокупляяся, и колесницу огненную, Божественными восхожденьми добродетелей, совершил еси душу, преблаженне Евдокиме, на земли пожив яко безплотен, Зиждителю всех благоугодил еси.

И ныне

глас 8
Со святыми упокой, Христе, души раб Твоих, идеже несть болезнь, ни печаль, ни воздыхание, но жизнь безконечная.