глас 1
Светильник всесветлый во граде святаго Петра явился еси, пастырю доб­рый, священномучениче отче Вениами­не. Любовь и милосердие в сердцах вер­ных насаждая, благотворити призывал еси терпящим глад и нищету. Сего ради и мы к тебе прибегаем, и с верою вопием ти: моли Милостиваго Бога, отечество наше в Православии и благочестии утвердити, мир Церкви даровати и ду­шам нашим велию милость.

Слава

глас 6
От юности иго Христово на рамо взем, истинный страж Православныя Церкве явился еси, священномучениче Вениамине. Клевету, узы, страдания и суд неправедный от беззаконных мужественне претерпевая, святыню церковную на поругание не предал еси. Темже и Христос даром терпения и любве тя исполни, во еже пред мученическою кончиною со благодарением взывати: за вся, Господи, слава Тебе.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.