глас 8
Желанием духовным от юности распаляем, преподобне Германе, Христу тесным жития путем последовал еси, и в морский пустынный остров, аки в тихое пристанище, вселився, в нем многая лета постнически пожил еси, идеже блаженным отцем Зосиме и Савватию сожитель был еси: с ннмиже моли Христа Бога о нас, любовию чтущих память твою.

Слава

глас 4
Вышних желая, вся долу влекущая возненавидел еси и, отечество свое оставль, в поморие пустынное отшел еси, таже в морский остров удалився, в нем многа лета Господеви поработал еси. Темже, память твою празднующе, любовию вопием ти: радуйся, Германе Богомудре, отче наш.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.