глас 1
Спаси, Господи, люди Твоя и благослови достояние Твое, победы на сопротивныя даруя, и Твое сохраняя Крестом Твоим жительство.

глас 1
Велия исправления и крепкия подви­ги во псалмопениих же и коленопреклонениих безчисленных показавый и многими труды и чудодействии, Бого­носе Моисее, просиявый, моли Христа Бога во еже спастися нам.

Слава

глас 1
Являя твердую и неразоримую свою любовь ко Господу, поясом железным Его ради поясался еси, к сему и крест железен присно на себе носил еси велий, преподобне Моисее, в коем стеснении сый, еже и делы ручными удручался еси, за еже великими чудесы обогащся и Царствию Христову общник явлься, моли и нам в тожде вселитися.

И ныне

глас 8
Со святыми упокой, Христе, души раб Твоих, идеже несть болезнь, ни печаль, ни воздыхание, но жизнь безконечная.