глас 4
Веры и благочестия наставниче, Церкве светильниче, монашествующих образе, святителю Питириме премудре, стадо твое благочестиво упасл еси и ко Христу привел еси: темже в вышних венцем славы украшен, с нами на земли духом пребываеши, сияя чудесы. Моли Христа Бога спастися душам нашим.

Слава

глас 8
Монахов наставника изрядна и святителя всем людем милостива, чудотворца предивна и молитвенника о нас неусыпна, сошедшеся воспоим Питирима, Тамбовския земли похвалу.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.