глас 3
Страстотерпче святый и целебниче Пан­телеимоне, моли Милостивого Бога, да пре­грешений оставление подаст душам нашим.

Слава

глас 5
Подражатель сый Милостиваго, и исце­лений благодать от Него прием, страстотерпче и мучениче Христа Бога, молитвами твоими душевныя наша недуги исцели, отгоня присно борца соблазны от вопиющих верно: спаси ны, Господи.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.