глас 1
Спаси, Господи, люди Твоя и благослови достояние Твое, победы на сопротивныя даруя, и Твое сохраняя Крестом Твоим жительство.

глас 8
Троицы провозвестницы, троице мучеников честная, идольское нечестие обличившии и тьмочисленнаго врага сокрушившии, ныне, со Христом цар­ствующе, молите, священный Ермолае со Ермиппом и Ермократом славным, яко да и наша враги победим и приимем от Царя всех, Бога, вечный живот и венец нетленный.

Слава

глас 3
Яко светильницы незаходимии разумнаго солнца, сошедшеся днесь восхвалим песньми, возсияли бо есте сущим во тьме неразумия, всех созывающе к высоте благочестия, священномученицы. Тем вопием вам: радуйтеся, постников всех основание.

И ныне

глас 8
Со святыми упокой, Христе, души раб Твоих, идеже несть болезнь, ни печаль, ни воздыхание, но жизнь безконечная.