глас 4
Богомудрый Желтоводския оби­тели первоздателю, Богом поставленный монашескаго жития столпе, благописанный досточуднаго постниче­ства образе, Богозданный Духа Святаго сосуде, златозарное Русския земли светило всесветлое, молим тя, отче Макарие, светозарною молитв твоих лучею разрешай мрачных страстей наших облак.

Слава

глас 2
Вторый Моисей явился еси, преподобне: он бо жезлом море раздели, ты же страсти, яко Амалика, победил еси, и непроходную пустыню немятежным умом прошел еси, в нейже молитвами твоими велие чудо сотворил еси, гладныя люди до изобилия прекормил еси. И ныне молися Господеви подати всем печальным утешение, Макарие, отче приснопамятне, иже Галичестей стране и всей Российстей земли похвала и утверждение.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.