глас 4
Жизнь рождшую, во чреве носила еси, Чистую Богоматерь, богомудрая Анно: темже к приятию небесному, идеже веселящихся жилище, в славе радующися, ныне преставилася еси, чтущим тя любовию прегрешений просящи очи­щение, присноблаженная.

Слава

глас 2
Прародителей Христовых память празднуем, тех верно просяще помощи избавитися всем от всякия скорби, зовущим: Бог наш с нами, сих прославлей, якоже благоволи.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.