глас 1
Спаси, Господи, люди Твоя и благослови достояние Твое, победы на сопротивныя даруя, и Твое сохраняя Крестом Твоим жительство.

глас 3
Стеблю Левиина корене, приимый чин древняго Мафусаила, он бо отча ради к Богу вознесения, ты же братня ради с Богом беседования, первосвященный во Израили молебниче о всех, умоли Бога купно с братом своим боговидцем, да избавимся от всякия скорби.

Слава

глас 3
Преиспещрено имый одеяние от честных камений, процветенный священством, Аароне, твой сухий жезл процветущий прообразоваше от Нескверныя Пречистыя Девы Сына Божия рождество, истиннаго Священнопастыря старейшаго, Егоже моли со всеми освященными лики, да спасет ны по велицей Его милости.

И ныне

глас 8
Со святыми упокой, Христе, души раб Твоих, идеже несть болезнь, ни печаль, ни воздыхание, но жизнь безконечная.