глас 1
Спаси, Господи, люди Твоя и благослови достояние Твое, победы на сопротивныя даруя, и Твое сохраняя Крестом Твоим жительство.

глас 2
Жениха твоего смерть видевши, разсмотрела еси тленную жизнь и суетие мира, отвсюду вину приимши, Нетлен­ному Обручнику уневес-тилася еси, по­стом и смирением любовь Того постигающи. Тем ныне радуется со Ангелы, преподобная Макрино, дух твой.

Слава

глас 4
Бога Благаго всем сердцем возлюбила еси, Макрино преподобная, и, Сего Крест Честный на рамо приемши, усердно последовала Ему: отонудуже согрешений обрела еси прощение.

И ныне

глас 8
Со святыми упокой, Христе, души раб Твоих, идеже несть болезнь, ни печаль, ни воздыхание, но жизнь безконечная.