глас 1
Спаси, Господи, люди Твоя и благослови достояние Твое, победы на сопротивныя даруя, и Твое сохраняя Крестом Твоим жительство.

глас 5
В пустыни живый в толстинных и многошвенных твоих ризах, и без тщеславия и мятежа внутрь поя Богови, и человеча деяния собою прообразовав в наказание, отче Памво, моли Христа Бога, да спасет души наша.

Слава

глас 5
Мира сего учение отрину, и, в сердцы смирением сподобився Богу угодити, кичения ненавидение стяжа, тем и ученика своего о страсе Божии обличи, и наказа без ликования умоляти Бога, истиннаго смирения, Христовы нищеты подражателю, пустынная красото, отче наш Памво, не престай моля о чтущих тя.

И ныне

глас 8
Со святыми упокой, Христе, души раб Твоих, идеже несть болезнь, ни печаль, ни воздыхание, но жизнь безконечная.