глас 1
Спаси, Господи, люди Твоя и благослови достояние Твое, победы на сопротивныя даруя, и Твое сохраняя Крестом Твоим жительство.

глас 4
Постническое по Бозе житие возлю­бив, вся плотская мудрования духу покорил еси и воздержанием страсти умертвил еси, во трудех и бдениих и молитвах образ быв добродетели, тем монашескаго жития наставник показал­ся еси, отче преподобне Иринарше. Моли Христа Бога спастися душам на­шим.

Слава

глас 8
Чистотою душевною Божественныя благодати дары стяжав, блаженную жизнь совершил еси, и путь ко спасению всем показал еси, и Богомудрый начальник монахов явился еси. Темже имея дерзновение ко Святей Троице, поминай нас, чтущих память твою, да зовем ти: радуйся, преподобне Иринарше, монашествующих похвало.

И ныне

глас 8
Со святыми упокой, Христе, души раб Твоих, идеже несть болезнь, ни печаль, ни воздыхание, но жизнь безконечная.