глас 1
Спаси, Господи, люди Твоя и благослови достояние Твое, победы на сопротивныя даруя, и Твое сохраняя Крестом Твоим жительство.

глас 8
Священный Богу Афиноген, в жерт­ве служитель, священное ученик своих принесе Христу заколение, пастырь со словесными овцами иде в Небесную ог­раду, победив сверепеющия неверием языки. Мученик Твоих молитвами, Хрис­те Боже, спаси стадо Твое от волков, губящих е.

Слава

глас 4
Владычню речению последовав, яко пастырь изрядный, душу твою положил еси за Христовы овцы, священномучениче Афиногне. Сего ради восхваляем тя и с тобою десятицу ученик твоих, иже пострадаша, страхом Божиим и твоим учением наставляеми. Тем угодивших Владыка венча вас живоначальною десницею, Егоже о всех нас молите.

И ныне

глас 8
Со святыми упокой, Христе, души раб Твоих, идеже несть болезнь, ни печаль, ни воздыхание, но жизнь безконечная.