глас 8
Яко лоза благоплодная, Иулитто честная, грозд зрел принесла еси Цареви, всех Богу, сына твоего Кирика славнаго, мучением того богатно украсив­ши и твоею кровию навершивши, тем и дарова тебе Вышний возмездие в Выш­них, идеже ликующе, помяните нас, му­ченицы терпеливодушнии.

Слава

глас 2
Жертва приятна, Богови приносима, и свидетель верен Христов являемь, с материею пострадал еси Иулиттою, Кириче славне, с неюже Христа Бога молити не престай о всех нас.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.