глас 4
Отцы наши Богоблаженнии, Афонстии подвижницы, Хиландарстии светильницы, непоколебимии столпи Право­славия, истиннии наставницы евангельс­ких преданий, Владыку всех, Христа, молите мир вселенней даровати и душам нашим велию милость.

Слава

глас 4
Благочестно на земли пожисте, евангельския истины на Афоне напоившеся, крепостию Духа Святаго просиясте и ныне на Небесех веселитеся, темже молим вас мы, недостойнии: молитвами вашими святыми избавити нас от всех бед и печали.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.