глас 5
Яко Материнское благословение, даровала еси, даровала еси, Пречистая Дево, пречудную икону Твою прославленным отцем нашим на гору Холмскую, тако и ныне, презирающи множество грехопадений наших, не остави нас, о Всепетая Мати, но пребуди с нами до скончания века и отверзи нам райския двери.

Слава

И ныне

глас 6
Пресвятей Деве Богородице, дивными иконами Своими, яко звездами, Церковь Православную украсившей и православным людем земли Холмския пречудный образ сей даровавшей, благодарственное воспеваем пение; Ты же, Пречистая, укрепи нас в Православней вере, да зовем Ти: радуйся, Царице небесе и земли и любящая Мати всех с верою чтущих Тя.