глас 4
Небесных воинств Архистратиже, молим тя присно мы недостойнии, да твоими молитвами оградиши нас кровом крил невещественныя твоея славы, сохраняюще нас, припадающих прилежно и вопиющих: от бед избави нас, яко чиноначальник вышних Сил.

Слава

глас 2
На Небесех зря Божию славу и на земли с высоты подая благодать, начальниче ангелов, мудре Гаврииле, Божия славы служителю и мира Божественный поборниче, спасай, соблюдай вопиющия тя: сам буди помощник, и никтоже на ны.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.