глас 1
Спаси, Господи, люди Твоя и благослови достояние Твое, победы на сопротивныя даруя, и Твое сохраняя Крестом Твоим жительство.

глас 8
Крилами мысленными к Боговедению возлетев разумно, мятеж мира ос­тавил еси, блаженне, презрев плоти мудрования, мудрость Вышнюю взыс­кал еси, еже жити с Богом, и всем образ дав собою, глаголя: добро есть с Богом жити, Михаиле преподобне.

Слава

глас 2
Плотскую тяготу утончил еси делы, душевную же быстрость вперил еси просвещением, Михаиле, и явился еси Троице жилище, Юже зря, блаженне, ясно, моли непрестанно о всех нас.

И ныне

глас 8
Со святыми упокой, Христе, души раб Твоих, идеже несть болезнь, ни печаль, ни воздыхание, но жизнь безконечная.