глас 1
Крилами богоразумия вперивши твой ум, возлетела еси превыше видимыя твари, взыскавши Бога и Творца вся­ческих, и Того обретши, паки рождение крещением прияла еси, древа животнаго наслаждающися, нетленна во веки пребываеши, Ольго приснославная.

Слава

глас 4
Воспоем днесь Благодетеля всех Бога, прославльшего в России Ольгу богомудрую, да молитвами ея подаст душам нашим грехов оставление.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.