глас 4Жениха твоего Христа возлюбивши, и свещу твою светлу уготовльши, добродетельми возсиявши, всехвальная Евфимие, тем возшла еси с Ним на брак, венец страдания от Него приемши, но от бед избави нас, чтущих верою память твою.
Слава
глас 4Во страдальчестве твоем добре подвизалася еси, и по смерти ны освящаеши чудес точеньми, всехвальная. Темже твое успение святое поем, верою притекающе в Божественный храм твой, да избавимся недугов душевных и чудес благодать почерпем.
И ныне
глас 6Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.
