глас 4
От мирскаго мятежа исшед, отвержением же мира евангельски Христу по­следовал еси, и равноангельное житие пожив, в тихое пристанище Святые Горы Афона достигл еси. Отонудуже благословением отцев в гору Киева пришед, и тамо трудолюбно жизнь совер­шив, Отечество свое просветил еси, и множеству монашествующих стезю, ве­дущую к Небесному Царствию, показав, Христу сия привел еси. Егоже моли, Антоние преподобне, да спасет души наша.

Слава

глас 8
Возложив себе Богу, паче всех возлюбленному от юности, преподобне, Тому от всея души любовию последовал еси, мира же тленная нивочтоже вменив, в земли пещеру соделал еси, и в ней добре противу невидимаго врага козней подвизався, яко светозарное солнце о вся концы земли возсиял еси, отонудуже веселяся прешел еси к Небесным Чертогом. И ныне со англы Владычню престолу прдстоя, поминай нас, чтущих память твою, да зовем ти: радуйся, Антоние, отче наш.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.