глас 1
Единоумне душею связани бывше, четыредесять с пятьми страдальцы святии, на врага ополчистеся, победителие же явльшеся, приясте венцы от Хрис­та Бога и вечное мучений ваших воздая­ние, тыя и нам улучити молите, благочестно песньми вас величающим.

Слава

глас 8
Христа ради, мученицы, многия муки подъясте и многобожие низложисте все идольское, разрушисте безбожие всякия прелести, Христовою силою сия поправше, нас всех верно научаете вопити яве: Аллилуиа.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.