глас 1
Спаси, Господи, люди Твоя и благослови достояние Твое, победы на сопротивныя даруя, и Твое сохраняя Крестом Твоим жительство.

глас 8
Яко стрела огнезрачная, от Верховнаго послан был еси Тавроменийско­му престолу уязвляти безбожных злочестие, верных же сердца просвещати, яже боговещанными твоими словесы в вере утвердив и течение совершив, по­страдал еси до крове, священномучени­че Панкратие, моли за вся, поющия па­мять твою.

Слава

глас 4
Светлая Тавромениом, Панкратие, звезда показался еси и священнострадалец явился еси за Христа: Емуже ныне предстоя, моли за чтущия тя, блаженне.

И ныне

глас 8
Со святыми упокой, Христе, души раб Твоих, идеже несть болезнь, ни печаль, ни воздыхание, но жизнь безконечная.