глас 1
Спаси, Господи, люди Твоя и благослови достояние Твое, победы на сопротивныя даруя, и Твое сохраняя Крестом Твоим жительство.

глас 1
Светила богосиянная миру и ино­ков одушевленныя зари, Фома чудесы, Акакий же послушанием, возсиясте свет­ло; сих, яко имущих дерзновение к Богу, молитвами во бранех пособствовати мо­лим, да просят от Христа Бога даровати прощение согрешений чтущих их свя­тую память.

Слава

глас 2
Мир оставль, Христу последовал еси от младенства, премудре Акакие преподобне, Того подражая вольное смирение, низвергл еси гордостнаго мучителя: моли непрестанно о всех нас.

И ныне

глас 8
Со святыми упокой, Христе, души раб Твоих, идеже несть болезнь, ни печаль, ни воздыхание, но жизнь безконечная.