глас 1
Спаси, Господи, люди Твоя и благослови достояние Твое, победы на сопротивныя даруя, и Твое сохраняя Крестом Твоим жительство.

глас 2
Плотския страсти умертвив воздер­жанием, миру распялся еси и, в пустыни живый, всех похотей отсечением Ан­гел земный и Небесный человек показал­ся еси, сего ради тя, яко наставника ино­ком, поем, Сисое отче наш, и просим: моли Христа Бога, да спасет души наша.

Слава

глас 4
Подвизався, ангел на земли виден был еси, озаряя, преподобне, помышления верных Богознаменьми всегда. Темже тя верою, Сисое, почитаем.

И ныне

глас 8
Со святыми упокой, Христе, души раб Твоих, идеже несть болезнь, ни печаль, ни воздыхание, но жизнь безконечная.