глас 1
Спаси, Господи, люди Твоя и благослови достояние Твое, победы на сопротивныя даруя, и Твое сохраняя Крестом Твоим жительство.

глас 4
Житием чистым и любовию, яже ко Пречистей Божией Матери, стяжала еси дар чадородия преславный, светиль­ника миру, дивнаго Симеона, тем тя, Марфо, яко матерь, о чаде веселящую­ся, песньми ублажаем.

Слава

глас 2
В молитвах Господеви предстоящи, Пречистей Деве Богородице пение и хвалы приносящи, Марфо честная, породила еси священное отроча, Симеона предивнаго, светильника всемирнаго, с нимже моли присно о всех нас.

И ныне

глас 8
Со святыми упокой, Христе, души раб Твоих, идеже несть болезнь, ни печаль, ни воздыхание, но жизнь безконечная.