глас 1
Спаси, Господи, люди Твоя и благослови достояние Твое, победы на сопротивныя даруя, и Твое сохраняя Крестом Твоим жительство.

глас 4
Мученик Твой, Господи, во страдании своем венец прият нетленный от Тебе, Бога нашего, имеяй бо крепость Твою, мучителей низложи, сокруши и демонов немощныя дерзости. Того молитвами спаси души наша.

Слава

глас 6
Древо жизни посреде души своея, веру Твою, Христе, стяжавый Твой мученик, Едемскаго рая честнейший бысть, древо прелести змиевы погубив дерзновнно духом, венчася славою Твоею, Многомилостиве.

И ныне

глас 8
Со святыми упокой, Христе, души раб Твоих, идеже несть болезнь, ни печаль, ни воздыхание, но жизнь безконечная.