глас 1
Спаси, Господи, люди Твоя и благослови достояние Твое, победы на сопротивныя даруя, и Твое сохраняя Крестом Твоим жительство.

глас 8
Отечества своего, блаженне Петре, удалився, и богомерзкую веру отнюд возненавидев, и от мглы греховныя изшед, и от тьмы во свет прииде, и вселился еси во славный и многонародный град Ростов, в немже житие честно пожив, церковь во имя святых апостол Петра и Павла воздвигл еси Христовою благодатию, и сию чудными иконами, яко невесту, украсив, святи­теля же и князя и вся люди житием сво­им удивив. Темже и по смерти твоей Христос даром чудес обогати тя. Поми­най нас, чтущих пресветлую память твою, преподобне отче Петре, и моли Христа Бога спастися душам нашим.

Слава

глас 4
Явися велие солнце Христовой Церкви, просвещая учения светлостьми, всечестне, яко черпалом златым, от кладязя неископаннаго чудес почерпл еси, от источника неистощимаго, на память успения твого пришедшим, всеблаженне Петре, ныне всем подаваеши грехов прощение, славо преподобным.

И ныне

глас 8
Со святыми упокой, Христе, души раб Твоих, идеже несть болезнь, ни печаль, ни воздыхание, но жизнь безконечная.