глас 1
Спаси, Господи, люди Твоя и благослови достояние Твое, победы на сопротивныя даруя, и Твое сохраняя Крестом Твоим жительство.

глас 8
В тебе, отче, известно спасеся еже по образу: приим бо Крест, последовал еси Христу, и дея учил еси презирати убо плоть, преходит бо, прилежати же о души, вещи безсмертней, темже и со Ангелы срадуется, преподобне, дух твой.

Слава

глас 1
Сад присноцветущ добродетелей плоды приносяй, явился еси на садовне древе, яко благопесневая птица; рай же паче, жизни древо Господа в сердцы твоем прием, яко возделав, богомудре, имже питаеши нас благодатию; присно моли о нас, Давиде всеблаженне.

И ныне

глас 8
Со святыми упокой, Христе, души раб Твоих, идеже несть болезнь, ни печаль, ни воздыхание, но жизнь безконечная.