глас 1
Спаси, Господи, люди Твоя и благослови достояние Твое, победы на сопротивныя даруя, и Твое сохраняя Крестом Твоим жительство.

глас 4
Добродетельми богатая, кротостию и благочестием украшенная, возсияла еси чистотою жития твоего, сего ради благий Бог благослови тя быти материю светильника рода сербскаго, темже во­пием ти: радуйся, преподобная мати Анастасие.

Слава

глас 4
Во благословеннем браце поживши, нескверно удержала еси законно целомудрие, чада же твоя кротко учила еси паче всех Христа любити, Емуже ныне предстоящи и молящися, помяни и нас, вопиющих ти: радуйся, преподобная мати Анастасие.

И ныне

глас 8
Со святыми упокой, Христе, души раб Твоих, идеже несть болезнь, ни печаль, ни воздыхание, но жизнь безконечная.