глас 4
Богоугодному житию поревновав, мученическою кровию верность Христу запечатлел еси, священномучениче Михаиле, моли Всеблагаго Бога нашего, да сохранит Церковь и землю Русскую от ересей, расколов, мятежа и брани, укрепит нас в Православии и единомыслии, возниспослет нам милости Своя и спасет души наша.

Слава

глас 1
Граду Орлову пастырь добрый и Вятстей земли первый новомученик явился еси, священномучениче Михаиле, Христу подражая, за убивающих тя, молился еси, о прощении их ходатайствуя. И ныне, Престолу Божию предстоя, моли о нас непрестанно, теплый заступниче и скорый помощниче.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.